精神爽

yeah yeah yeah
91lbs喇 繼續努力

尋晚睡眠充足 再上一個gentle, relaxing yoga 再+facial ----> 舒服晒~


營養師增磅餐單
早餐: 鮮果汁 吞拿魚奄列及牛油果多士
小食: 低脂芝士配餅乾
午餐: 熱檸蜜 鮮茄洋葱牛肉飯
小食: 香蕉
晚餐: 煎三文魚伴甘筍粒 薯仔燴雞柳 白飲 杧果
小食: 高鈣低脂奶

好難跟下喎!!!
點解..... 咁少菜嘅??

The Lane

今晚請客 食左餐好既 心情愉快

好貴唷.......... 肉赤

但食物同service都好正 最正係個包 值得再去

小薯: 唉 我呢d係small potato 冇power...

R: 我碟飯咁唔有2舊薯仔喎 攞埋去

小薯: 關乜事

R: 集腋成裘 你好快就會變大薯

小薯: @_@

大B出年年頭去滑雪 好想跟埋去 可惜冇晒假............ 唉 一定好好玩....

對腳仍然好痛....

今日我又表演飛鞋絕技 =_="

熱C人咩

boss病在 下午好free呢~

時間啱啱好 趕得切攞呢個

之後仲夠時間返屋企拖地+沖涼

又再出街 yeah 不過一出街就成身汗 '''''''''''''

經脈盡碎

又訓過龍......... 唉............. 好彩冇遲到
勁發惡夢.... 醒左好多次........ 我好想訓番覺好呀~~~~


經脈盡碎 ......................... 對腳已經拎唔起喇



好焗 天氣好差 返屋企時勁行雷閃電刮大風 好想快d行到屋企 但對腳唔聽話 行唔郁 =_=" 好唔舒服 好想嘔 我諗焗病左.....

郊遊遊

今日郊遊遊 好開心 一身郊遊遊服裝 +滿身防曬兼防蚊 曬左陣 就滿天黑雲+怪風 d葉係地下度轉 仲行雷閃電... 好驚唷...... 好彩走得快!!!

放左2日假都要早起身 好攰 返到屋企一沖完涼頭都未乾就衝左去訓 訓左3hrs hehehe 半夜起身先餵仔

To仔: sorry 我又虐待你 wakakak

黑面

今朝訓過鐘 =_=" 嚇到即刻打電話俾honeyC改晏d 點知佢都係訓過龍 hehe 打平~

東非第2擊
攞埋visa 但領事館d人好寸 唔出聲唔笑
我覺得我好適合呢份工囉 interview時當人地問我有乜可以勝任呢份工時 我可以答「我塊面夠黑」

本來諗住買衫去旅行 當然又買唔到啦 然後又買左堆其他野 又買鞋......


返到屋企 想做yoga 點知最後都趕唔切 唯有跑下步就算 見Mou online 諗住撩佢去做gym 點知佢冇覆我 咁就自己去啦 諗住走既時候 就撞到Mou喇 咁當然係佢叫我先見到佢啦 我同阿仔一樣-->係盲既
次次約Mou都就唔啱時間(之前夾過呢2日一齊去做gym...) 但往往都係撞到 世事既野......唉

To Mou: 整定我要纏住你 你走唔甩!!!

就係咁 今晚就由冇節目變成有飯局 yeah~~


認識左另一個喱曹 不過係講國語既 就係咁我就上左堂國語堂 hahaha
令人安慰既係 都唔知係我d國語好還是佢聰明 我地竟然溝通得到 起碼佢冇講過「下?」 wakakak

喱民 VS 喱曹

終於----放假喇 yeah~

放工去左睇Wall E 超勁攪笑 推

我地3個笑到好大聲呀~

Wall E............ 好可愛唷~

但唔知点解係要同隻甲由玩 @_@

To喱民: 請問點解成日叫我喱曹呢??????

你今日call左未?

from Apple Daily @_@

負 責 研 究 的 中 大 氣 候 變 化 與 健 康 研 究 小 組 主 管 陳 英 凝 指 出 ， 研 究 發 現 「 熱 死 」 的 人 多 患 有 心 臟 病 、 糖 尿 病 和 中 風 ， 75 歲 以 上 長 者 最 高 危 ， 未 婚 和 獨 居 人 士 風 險 也 較 高 ， 「 單 身 人 士 冇 人 照 應 ， 冇 人 叫 飲 多 杯 水 。 」 此 外 調 究 也 顯 示 女 性 較 男 性 易 因 高 溫 而 死 ， 「 原 因 未 明 ， 可 能 因 女 性 長 期 病 患 者 較 多 。 」

唔該各位呢個暑假得閒就call下我 睇下我死得未....


boss: 果張係咩notice?
R: 試鐘
boss: "o"
R: 試警鐘喎!!! 你會唔會諗多左?
boss: 你會唔會講少左個字?
R: ................. =_="


放工要去apm買WallE飛 屈左K仔陪我順便食飯同行街 hahaha

大暑

放早 yeah~~~~~

今日大暑 d汗未停過咁流...........

From Honey

終 於 明 白 ， 是 什 麼 讓 我 迷 上 了 荒 野 尋 獸 safari 這 玩 意 。

自 第 一 次 南 非 之 旅 ， 對 原 野 的 迷 戀 如 毒 癮 一 樣 越 踩 越 深 。 這 次 來 到 肯 亞 擁 有 四 十 多 個 國 家 公 園 ， 一 片 最 非 洲 的 原 始 土 壤 。 延 綿 不 絕 的 地 平 線 上 ， 只 看 到 草 原 的 翠 綠 ， 原 野 的 金 黃 。 車 子 的 廢 氣 ， 換 成 泥 土 的 氣 息 ， 天 一 黑 就 是 漫 天 星 河 。 每 天 乘 坐 吉 普 車 在 不 同 的 動 物 保 育 區 覓 獸 ， 靜 觀 動 物 世 界 的 因 果 循 環 ， 弱 肉 強 食 。

任 一 個 人 多 超 然 脫 俗 ， 在 爾 虞 我 詐 的 凡 塵 ， 總 會 涉 入 一 兩 宗 是 非 八 卦 、 權 力 鬥 爭 。 只 有 尋 獸 這 玩 意 ， 讓 我 們 可 袖 手 旁 觀 ， 看 盡 野 獸 互 相 仇 殺 血 肉 模 糊 。

遍 體 鱗 傷 ， 只 為 掙 扎 求 存 。

在 荒 野 上 找 到 野 獸 ， 也 找 到 自 己 ， 尋 獸 迷 人 之 處 莫 過 於 此 。


仲有生日禮物收 wakakaka
今日再收lip gloss + hand cream + 針筒乙支 (....!) thx a
不過代價係請返佢食飯 因跟住又到佢生日喇 happy bday~

殺

今日
俾人一扭個膊頭
聽到
咯 咯 咯 3聲....................
自此
條腰就挺唔直
...................................



死基佬蝦我奶奶 大膽 殺!

酒微菜薄

今日係觀音誕 去左睇大戲 梗係又係東昇啦~
睇完第一場 齊齊去食飯 魚蝦蟹雞樣樣齊 真豐富
食飯期間 被輝哥屈結婚(又寸我!!!!!) ..................... 咁....... 酒微菜薄 招呼唔到喇..........

本來今朝想去上yoga堂先... 點知 梗係唔願起身啦~~~

full house

full house x2..................

放工約左Wayne+Myra食飯 又有免費晚餐 yeah~
家家有本難唸的經 以前羨慕人地既野 原來背後都有一段故仔....
阿嫂冇黎 有人暢所欲言 wakakakka

傾左成晚計 喉嚨痛添 LOL


原本約左1830 點知1755就到左 唯有坐住等啦 廢事call佢攪到好似催佢咁 諗住等到1845唔見先call 點知1844時佢就call我 ........... 原來佢1745已到左 坐左係另一邊等我.................. 果然係好兄弟 諗法一樣 =_="


4am先返到屋企 @_@

我不好愛

今日放工經過太空館 見到有套劇想睇 即刻約腳 決定下星期六去睇 一場黎到 順便問下下星期六落左畫未啦 點知中氣十足既阿姐仲用mic大叫「做到9月喎!」....... 即刻勁樣衰 仲俾honeyC笑...... 逃離現場時梗係睇多次張poster同有關notice board啦 都冇寫.........................

同Patrick+2個靚女睇「我不好愛」 又係Kearen 都係「29+1」好睇d~ 今次故事性強d 改編劇 差極有限
3角關係 3個唔同性格唔同既人 3種唔同既戀愛態度 發展出一段微妙既關係 發人深省


佢地去左食Burger King...... 即係唔預我啦!! 唯有自己食Starbucks啦 掛住傾電話 爭d遲到 :P

3個人的空間

【明報專訊】兩男一女，不論是文字上的「嬲」字，還是圖畫上的三角關係，總令人想起痛苦、憤怒與失落。即將上演的舞台劇《我不好愛》就是一場愛情殺戮戰，不過，這裏沒有明刀明槍的爭吵對罵，反而情敵間可以「化敵為友」，三人行又可以「同吃飯」。只是，隱藏在這段三角關係中的卻是人性最黑暗的一面。


情節．意想不到

身兼導演、翻譯與演員的梁祖堯表示，打從一開始接觸這個劇本，就有種欲罷不能的感覺。「故事一開始是Dave破窗衝入女友Ann的家中，卻發現Ann已另結新歡Patrick，三人就這樣吵起來。但故事進入第二場，Dave竟能夠與情敵Patrick一起喝茶談天，感覺就像朋友一般。到了第三場情節又再轉，變成三個人一起吃晚飯，彼此笑裏藏刀。我們起初看這個劇本時，已有繼續追看下去的衝動。故事的發展雖然有點令人意想不到，但那些意想不到的情節，卻又可能發生在每一段感情關係上。」
劇中3個角色都有各自的性格：Dave倜儻不羈、Ann愛情至上、Patrick理智穩重。但，他們都有一個共通點，就是不願面對自己真正的感受。「他們三人經常說自己很愛對方，但相處時卻不是由心而發。例如我飾演的Dave，他每一個行動都只是希望贏過對手。要贏過女友就要盡量傷害對方，以求讓她掛念自己；要贏過情敵就要先跟對方成為好朋友，讓他放下戒心。雖然Dave做每件事都看似很成功，但可悲的是他從沒有為自己做過任何事，亦從沒有經歷真正的愛。」梁祖堯謂。


溝通．大兜圈子

不要說一段感情關係，即使是簡單的友情關係，今天又有多少人願意真誠溝通，用心對話？君不見在酒吧內，多少人熱鬧地相聚一起只是飲酒、「吹水」、猜枚，卻不願認真對話。「我經常在想他們為何不談話？也許大家都不敢跟別人溝通，不願說自己的事情，亦不敢問別人的事。別人常說1970年代的人很好，大家很有人情味，現代人卻沒有了這種人情味。因此，很希望藉這齣戲告訴大家：溝通，其實可以很簡單直接。」
演員之一湯駿業表示，劇作家雖然早於1975年撰寫此劇，但內裏所述的感情關係卻沒有過時——或許現代人愈來愈口不對心，即使面對自己喜歡的人，也不會直接表達愛意，反而兜很大的圈子來「扮」，不敢真正面對自己的感情。「就像我飾演的Patrick，表面上看似很穩重，客氣得體，EQ甚高，以為很清楚如何控制自己的情緒，卻原來只是口不對心，亦因此從來沒有遇上真正喜歡的人。」


愛情．不懂選擇

男人的無奈在於要「贏」，女人的無奈，則可能在於她們從不知道自己真正需要什麼。彭秀慧飾的Ann曾受過前男友的傷害，就以為自己需要找尋一個穩重的男人。「這個角色其實也是典型香港女性的寫照，她們總希望找一個Mr Right，害怕選擇錯誤。不過，情感與理性上畢竟是不一樣。年輕時與不適合自己的人拍拖，愛得義無反顧；但在28、29歲後，卻開始考慮這個人能否給予自己一個安穩的將來。我曾問過很多女性，『丈夫是否她們的最愛？』她們都很快地答『不是，但他是最好的』。」彭秀慧覺得Ann並不像自己，她才不會為了安全感而跟一個人在一起，不過她笑言自己偶爾亦因任性而感到迷惘。

斷左

又有生日禮物+免費晚餐 正

又係化粧品+野食.... 真了解我

去左做yoga 俾tutor左下 條腰即刻斷左............... 年紀大 骨頭硬 係咁上下 @_@

tutor Kishore唔錯 幾攪笑 仲肯執每個同學仔既姿勢 唔錯唔錯 可惜下星期四要返工 上唔到堂...

今日睇左batman 睇唔到希希 =_=" 我諗我都係最鐘意the Joker

http://thedarkknight.warnerbros.com/

等人期間 又買左對鞋 :P

累

今晚OT+OT...... 收得工都9:xx..... 累

好彩仲趕得切睇赤壁 晚餐唯有係戲院食

其實原本對呢套戲興趣不大 冇諗住入場睇 因朋友叫到 聽日又放假 揾d節目比自己 結果...... 我都係唔知咩打咩....... 只能講一句係「大製作」同金城武好靚仔囉

後生晒~

舊同學飯局
理由當然又係生日會啦~
全部long time no see 感覺良好 因為好似仲讀緊書咁 後生晒~~

睇左本介紹世界各地既spa/resort既書 介紹得更係top-end果d啦 好靚唷~ 突然好想陽光與海灘hea一hea添 不過今年冇晒quota :(


尋晚頂唔順 燙乾晒d衫 因為冇位掛喇..... 點知 今日出太陽喎 =_=" 激死左

又落雨

飽 --- 今晚同honeyC+寶哥哥係咁食野
同佢地傾左d local tour既野 um 有d方向喇 thanks寶哥哥~

益力多の故事
1. 寶哥哥話我重左係因為未便便...... 就此 我今晚飲左一大杯菠蘿益力多
2. 寶哥哥話佢一路都好正常既 咁飲完芒果益力多之後 聽日會有好多....
3. 咁我地約好左 聽朝早d起身留多d時間去便便 XDD

食完飯 勁行雷閃電 好恐怖~ 一返到屋企就落大雨 黃色暴雨警告果隻 真好彩~~

呢排勁潮濕 d衫掛足幾日都唔乾.....我又掛到一屋都係衫...... 唉......

尋晚發左個怪夢 夢見已婚既xbf揾我幫佢影結婚相 白痴既我仲走去問佢「其實乜你唔係結左婚咩? 點解仲要影相既?」.................. =_="

星級獎勵

今朝一早去左做yoga 震過貓王 hahaha 協調同平衡都有大量進步空間 整體感覺唔錯 手手腳腳連膊頭都好似鬆左d咁 GOOD~~
因為係beginners class 咩人都有 個個d姿勢都唔同 曲晒腳既都有 好攪笑
上堂時 我呢d怕蝕底既 梗係第1時間飛去前面霸位 點知臨開波有個靚女走左去我前面....... 左住晒 睇唔到阿sir做乜 蝕晒!!

之後無無聊聊4圍逛 想買波鞋又冇我size 結果買左個新竇比Noodle 再去supermarket掃貸 拎到成個儍婆咁.....


獎勵自己
原因係~~~~我重左喇~~~~
由 89.xlbs 直升至今日91.xlbs yeah yeah yeah
唔知係因為做左gym, 呢排食得豐富左, 食左好多生日蛋糕 定係d救援物資.. 總之重左啦 好開心
買左塊靚西冷獎勵自己 正 唔洗調味 俾我煎到啱啱好 yummy~
另外獎自己今日訓多1個下午 wakakaka

生日好快樂

今日明怡同佢個fd黎左我公司 俾boss發現在我地都係儍既添 XD

又有禮物 hehehe

好彩堅持唔係公司收 如果唔係即刻比云云送去青山
最攪笑係我問佢有冇handcream 佢諗左陣 然後係袋度揾左支新既連盒既比我 「生日快樂」.... !! 早知問佢有冇$啦~

好慘 係貧民區逛左好耐都揾唔到野食..... sorry 我知係我唔好.......
最後食左PepperRice(好似係呢個名) 超多人 排左好耐隊 叫完等左好耐先有得食 仲係比塊生既牛扒比你自己煎....咁...請問你攪咩攪咁耐?? 不過自己煎下煎下咁又幾好玩



奶奶特登打電話黎鬧我冇用 >.<

我條蟲

又有禮物 wakakaka 真好~~~
勁啱用 爭d上個禮拜買左 好彩上個禮拜未出糧 冇買到
THX Ching~ 你真係我條蟲 hahaha

是日犧牲品:
花生醬 -- 勁多花生 正
sis#2話d零食唔准同人share...... 因為分左比人我就唔夠肥 XDD 真係細心體貼 sis#2 I love U~
我聽日會乖乖地回收晒公司d糖架喇

Do尋晚打黎 問旅行d野....... 當然冇貢獻啦
言談間話佢我個心咁快已經飛左去Kenya.... 梗係啦 Do姐你地參加旅行團 乜都唔洗攪 仲定到機票都未買 久唔久打個電話黎就有報告最新情況 梗係冇感覺啦 知唔知小妹我對上2個月除左返工同訓覺之外有超過1/2時間做功課????? 你地有冇着緊過? 點解每次我都好似report上司咁講晒你地知? 你地做過d乜? 唔好答我幫我揾左機票 因為你地遲疑不決 我地要買張貴機票!!!
一句唔該唔係洗死人!!



~~~~~仲有2個月就去旅行喇~~~~~~

一刀兩斷

哇 ------
恩斷義絕喇...

我.............今日打爛左個杯蓋呀!!!! 大口仔杯呀!!!! 生日禮物呀!!!!!!

想死



今朝本來好開心 帶左好多生日禮物返工 點知一開波洗杯時就打爛左個杯蓋 即刻冇晒心機 云云即刻攞糖氹返我..... 但果d糖都係我d生日禮物 =_=" 唔該晒....

今日壯烈犧牲既有:
西柚糖 -- 好好味 云云話要限量配給 每人每日限食1粒 但到我走之前佢已經食左3粒 而最攪笑係當我攞出黎時 Kris竟然問「乜你鐘意食橙味既野?」......... 「西柚黎架...」

叮噹糖(出賣左自己年齡添... 而家冇人咁嗌lu..) -- 比劉曉彤搶左叮噹果包 我都未食過...

杯蓋 -- 未用過架!!!


明日預告
買左麵包搽花生醬

衝上雲霄

F quit左lu 原因係佢boss向佢單眼 *_^ ......... 理由真簡單

今日有個patient爆炸頭 笑死我 佢個look..... 真係唔係我呢d凡人容易接受到.... 眞想問佢訓覺時d頭髮會唔會篤到隔離床位果個 XD
不過原來佢好勁架 做配音員(好甜言蜜語~) 浪漫滿屋既Rain係佢黎架 等我得閒打多d電話俾佢聽下佢把聲先 hohoho~

爭人既野 終於攪掂喇 花左2晚 禮成 yeah~

恭喜奶奶 恆哥今日派位去到第一志願學校 咁就要俾d心機努力讀書 第時賺多d $養家 順便養埋我 yeah


每晚既節目係睇衝上雲霄 原來以前有好多集都冇睇過 重播真好~
睇就好睇 不過吳唱K d英文真係不敢恭維......... 鄧梓豐d英文好聽好多

Natalie聽日返工喇 祝--好運~~~

我真係好愛你地呀~

今日繼續收禮物 wakakak 突然發現原來生日幾好喎~

總結今年既禮物 好簡單
2大類
1. 大口仔
2. 同化妝品
另加tee1件同3大袋零食 全部勁啱用 大家真知我心意 hohoh



打左去KenyaAirways confirm左張e ticket yeah 真係安樂晒囉 終於唔洗再等人lu~
一場打到去梗係順便問理d lo b問題 問到佢都忍唔住笑

聯合國救援隊伍

brunch with聯合國救援隊伍

收到以下救援物資 wakakak 感謝~~~ 特別鳴謝sis#2+David冒住眼訓既危險一早去CitySuper買 愛死你地~~

之後仲去埋sis#2度食流年布甸 <-- 食完buffet喎......

仲發現有變態佬鐘意聞流年但唔食流年.......

夜晚去左Chan papa度食飯 有至愛羊扒呢~~~ 代價係比Chan女女虐待 @_@

lum lum mei做左我的志願..... 真失敗 咁多年黎都冇為過我的志願努力過 LOL

birthdayGIRL~

Happy Birthday to ME~~

又生日喇 仲係大壽添.... 有d忐忑.....................

今日都黑黑地 一早返工就淋雨... 放工撘巴士竟然壞冷氣 收我冷氣車$ 待遇比熱九差 @_@ 熱九起碼有空氣 果架車淨d焗死我!! 最後撘左一個站 頂唔順 落車!!

放工去左恩人度食飯 RIBS呀~~~ 仲正過DanRyan果d 回味再回味 :P 感動既係佢仲親手整左個choco cheese cake俾我 喊喇喊喇 咁大個女未試過有朋友仔親手整bday cake俾我...... 甜到入心~

梗係同大厨影返張相

仲有我契女~

偉大既恩人仲已經安排埋我下年既生日活動 thx

為左報答佢 我講左蠟燭的故事佢地知 笑死左

之後同MrP去睇文雀午夜場 原來佢又係勁想睇但約唔到人睇 早知早d約佢啦

套戲拍得幾靚 特別一開場同落雨果場 唔錯唔錯

2張poster我都鐘意

領悟到小妹做唔成明星既原因--->係因為我唔可以着住對3'斗零踭係中環跑黎跑去....

原來1晚走2場係好辛苦架....

I Luv U ALL~~

尋晚食完飯學人飲coffee..... 結果係碌到5:30am!!!

終於出左機票 踏足非洲第一步~~~

放工飛的去食韓燒 合晒我心意 喉嚨痛左幾日 食完包好番 hahaha
包房 班靚女超顛 嘈到有回音 hahah 仲有13人大合唱既生日歌<-- 都有回音 超感動 yeah~~ 今日仲收到好多禮物 thx all~~~~

特別鳴謝

Rolita

Icy

Abby

Eva

今年生日好開心 好多朋友仔同我慶祝
衷心感謝每一位同我慶祝生日or記得我生日既朋友仔 我會永遠記得架 我愛你們~~~

娃哈哈

放 假 Y E A H ~~~

一起身 臨時俾人拉左去幫手 突然好大壓力添 今次得我一個呢....


同Myra傾左陣計 講起屋企野.... 原來我仲好激動 :P




夜晚同MrF食飯.... 感覺怪怪咁 = ="

買左22:20飛睇街頭超人 所以有好多好多時間傾計 傾左好野 mainpoint係傾到新攝影班 俾左好多新角度我 係我冇諗過既 thanks~~ 決定左--->繼續努力 唔可以咁就放棄 奸爸爹!!!




To 各位豬仔豬女 : I M BACK~~~





今日睇左街頭超人 不嬲都好少睇呢類戲..... 今次當陪朋友 套戲又ok喎 街頭既超人又真係平民d 啱返我呢d凡人睇 hahah 不過Will Smith好少令我失望



R: 機票資料已email俾你 check過冇問題我就去俾$
C: 哦 咁我過返$俾你吖
R: 梗係啦 我冇打算送俾你
C: 娃哈哈 <--其專用詞語

預產期 8月

事隔5日 boss終於發現唔見左粒芒果核 haha 云云勇敢承擔責任 當年有華盛頓斬櫻桃樹 今日有云云掉芒果核 LOL

放工約左寶兒姐 籮咁大個肚..... 唉 攞苦黎辛 生左個仔仲要追 今次追到個女 福氣呢家野真係唔係人人有 預產期8月<--要寫低 免得老人癡呆又要去問人 haha
睇見佢地2公婆齊心湊仔個樣 真係溫馨到想打冷顫.... 不過估唔到寶兒姐做慣大家姐 做賢妻良母都得喎 掂!
2公婆幸福到--發晒福 XDD

Fu左mask 靚晒~

Kung Fu Panda

放晴

一起身 藍天白雲 好正~~

1個人去左做gym 跑左陣 散晒 但好似精神左


之後去左睇功夫熊貓 好攪笑 但成個戲院都係壞人 早知唔揀公眾假期去睇啦 可幸既係坐係我地4邊都係大人 未算最慘 wakakak

去左街市食飯 超多人 野食超慢
2個人3個餸+個靚仔 --> 做完運動係餓d