唔好黎?

頭先去左後面街食飯 住左3年 都係第一次幫襯 仲見到Becareful Lee同陳太
d野食唔錯 蝦多士冇得頂 仲有至愛cheesecake 落足料 啖啖都係cheese wakakaka
不過d野食就超慢 食法國餐咁..... 食左成2個鐘 ?! 好多野都賣晒 亦有好多野唔知賣晒未 左問右問咁 結果地我都唔知叫左d乜
不過最攪笑既都係老板娘 臨走時叫我地下次可以星期日下午再黎 人少d 可以hea下 但夜晚就唔好黎 吓? 唔好黎????

今日又interview 請左個靚女 本身係PT化粧師 sat黎試工.... 都係唔好抱咁大期望

食完法國餐 返黎再清埋facebook 已經1:xx 執相??? 無限期押後啦

冇雪糕食...

唔知點解 今日心情唔多好 好似好想死咁... 放工為在氹返自己 去左supermarket買左好多鐘意食既野 係好多! 足足買左$15x =_= 全部放得落肚既 薯片汽水糖蛋糕餅奶生果菜...... 就係唔記得買雪糕.... 比着以前 呢d應該係打風前既措施 LOL 回家途中 突然後悔 買咁多一定食唔晒......

boss: 相士話我03到08年行好運
R: 哦 係呀..
boss: 但好似到而家都冇乜特別好事
R: 唔... 請左我囉
boss: = ='
我真係見到佢塊面青左.........

zzzzzzzzzzzzzzzzz

尋晚2點先返到屋企 仲可以睇埋大澳華之亂 結果3點幾先訓..... 眼訓到呢~~~

天后寶誕

入左蒲台島影大戲 今次係第二次影東昇劇團 感覺依然新鮮 不過東昇玲瓏略欠老練 但勝左夠靚 haha d相....OK啦 好過上次 不過係因為個台細d 易控制d

蒲台島既活動範圍好少 不過仍然keep住漁村風味 後山d石好靚 完全冇野玩 蚊就大把 睇戲時隔離阿婆咬到要搽藥油 好似一年一度buffet日咁.... 睇到中段 突然落大雨 橫風橫雨 個棚好似想冧咁 d鐵皮被d雨打到辟辟啪啪咁 好驚

話時話 個戲棚撘得好正 係o係懸崖上面起既 @_@ 諗起都仲有d腳軟

破地獄與白菊花

今日去左睇破地獄與白菊花 好攪笑 笑到係咁抹眼淚 呢個提材好破格 成個演出都好輕鬆 唔恐怖 唔悶 中段有同觀眾交流既時間 氣氛好好 推

今朝訓醒 望下鬧鐘 9點幾 梗係再訓 點知訓唔着 仲心諗睇舞台劇唔洗緊張到訓唔着掛?? 咁唯有起身做下功課 點知起身開電腦一睇 1:00!!! 再望下錶 1:00!!!! 即刻走返入房望下個鬧鐘 9:40..... 原來冇電 唔怪得前幾朝d咁趕返工啦

又踩?!

上左幾個鐘頭粵劇堂 個腦而家一片空白....

Cham呢幾日勁忙 因為天后寶誕 星期日仲可以坐快艇添 不過由朝早10點坐到夜晚 hahha 應該好好玩

聽日又去踩場.. 踩夠未呀?? 我經巳好乞人憎喇!

矛戥王

結果今日新請果個靚女冇返.... 電話都冇個 而家d年青人真冇交帶

Jess都唔做 真可惜 Jess初初係懵左d 地獄式訓練完而家好good 佢話新果份工係o係屋企樓下 人工都唔錯喎 咁又係 俾我揾到份工o係屋企樓下既話我都轉 勁方便 1日3餐都返屋企食 慳唔少

成晚糾纏o係Cham同Ivy中間 電話+MSN 煩++ 仲煩到有d頭痛添 不過2樣都係開心野 咁就俾佢地煩下啦 而家有d未出發先興奮添 XD

Ivy已經訂左裙 <--快得緊要 遲d去揀款 佢地仲揀埋結婚公仔.......

好彩唔係娶我 如果唔係我實悔婚 矛戥王咩?? $%*^#$@

ii

終於請左人喇 聽日黎試工 真好 希望佢乖乖地啦~ 咪又係果d教好晒然後又唔做就得喇

大頭蝦
食飯時放左做銀包係云云度 食完飯話走就走 結果冇拎返銀包.... 冇錢 冇身份證 冇八達通 冇card 乜都冇 好彩boss臨走俾左$100我 發達喇 我係絕對唔會還既
老人痴呆咁 好大獲

今朝一早就嗌交 得啦 你啱晒
總結: 錢解決得到既就唔係問題
又係喎 咁仲唔快d請殺手殺左我等我咁洗咁多野講????

open day

呢排天氣唔好 儍人都特別多 今日又有.... 我肯定佢係顛嘅!!! 青山open day咩?

Max問我轉唔轉工...... 真係有d想 佢話FT PT都得 又有冇咁啱呀? 話想轉PT就即刻有份PT? 如果遲多半年就好喇.... friday想同Max食飯 但又好似冇乜可能咁 睇下到時點先~

頭先食飯時見到Ada路過 由於今日懶人 指數甚高 所以冇跑出去 電話都懶打 哈 下次啦~~

尋晚訓覺關門時 唔知係眼訓得滯定係飽得滯 竟然唔記得縮手!!!! 夾住左 @_@ 想死 年紀大反應真係慢d... 下次可能係夾住左個頭 wakakakak 隻手而家又腫又菸 好彩係左手 XD

浣熊先生

一樣米養百樣人
話說早2日有個賓賓黎睇醫生 quote左價錢 佢話要考慮下先 咁就係waiting room打左一輪電話 再擾攘左一大輪 約左今日先做 今日仲帶埋個中國藉男子黎 以為佢唔夠$所以揾埋boss黎(後來先知應該係情侶 ?!?) 整好晒之後已經1:30 佢又係度起勢打電話 原來問人借$!!!! 個男人得$1000.... 一早講好晒都唔帶定$$??? 又擾攘到2pm先有姊妹救命 餓死左

Maggie發高燒 做到我同雲雲訓係度.....

放工即去CWB攞飛 大雨到呢-- 成個CWB水浸喎 正確黎講係去唔切水 d車經過係有浪湧上行人路果隻 即刻想跳浪 XD 想撘taxi又冇 咁唯有行..... 結果返到屋企濕透 係透 對襪擰得出水 個袋連入面d野都濕晒.................. 依家仲要開行晒冷氣吹番乾d野.... 真係大日子

牛一快樂~

同Carlos補祝牛一 long time no see 一見如故 懶熟咁 hahahhah 傾左好耐 耐到好似以前未試過既咁耐 耐到佢gf催住佢走.. ..

點解佢望落好似仲細過我架?? 明明佢大我>2yrs噃?? 係佢食左防腐劑定係女人真係咁唔"com"老?? fufu mask sin

今朝又去踩場.... 梗係又....................... 唉

偷偷地o係公司打電話去訂飛 姐姐話冇得揀 剩低下星期六日場2大張飛 我有冇咁好彩呀?? 即訂 炒都好 XD sis#2都話幾好睇 快d到下星期六啦~~ 不過d飛一日未到手一日都未安樂 c人3少又話今日幫我攞 跟住又話唔順路冇攞...... 都係聽日lala聲自己去攞先

睇左DM d相 仲好懷念果晚呢~~ 睇返接新娘, 打bowling, 跳舞d相 真係仲好開心 仲未興奮完

to DM: 有班咁既儍朋友 仲想點呀?

to Cham: d敬酒相好得呀!!

to 浣熊先生: 可唔可以行近d呀? 我聽日唔想返工呀!

收貨

執左幾日相 今日交貨 順利地收左貨 hehe 只有d小問題 goooooooooood
Terry眞係好勁 Peter有d相影得一般 俾佢crop下 tune下色 咁就變得好靚 佢真係天生食呢行飯 我諗我有排學...

今日去左幫Ivy睇婚紗 d款比想像多同靚 亦比想像中貴 跟住仲去埋金都格價 當然款式多d同企理d 咁等佢聽日睇左試左先算啦~~ 最好就買啦 可以俾我玩多幾次嘛 wakakaka

sis#2 話破地獄與白菊花加場呀~~ yeah 佢睇左仲話gd添 唔該晒sis#2

星座小王子

Ivan今日去左同Terry傾 結果有d出乎意料..... 有d失望 唔係我心目中果回事 不過都預左Ivan架啦 乜都"諗住" 邊有咁理想吖
同Terry講起佢對我地既評價---有驚冇喜囉 眞係估佢唔到 過咁 又諗唔到佢咁細心 平時唔聲唔聲咁 原來都好留意我地 起碼佢對我既評價幾準 <-- 睇星座咁 我諗佢對其他人既評價都唔錯得去邊掛?!

之後同Cham傾左成2hrs 佢話佢都有同感喎 真唔真呀?

放工等撞到基佬仇家 入到只得我2個 佢入先 佢竟然直畢行入角 唔按制!!! 等我按!!! 殘廢架????? 男人喎 做埋d小動作比女人更小家 我肯定我身邊所有女人都唔及佢 <-- 最少表面上 又一次証明 假 係自己掉既

攰

好攰好攰好攰......
電話不停咁響 枱頭既野越堆越多 不停咁做做做
奶奶見到我既第一句係"乜你對眼咁紅既?" 梗係啦 你坐低做一日啦 蛇都死....

Ivy既事坐言起行 同佢傾過下 初步ok 細節再傾 仲遇啱大減價 希望用得着啦~~

.....忐忑

心情有點忐忑
一早就收到XBF既結婚相 雖然N年前既事 亦死得不明不白 當然都唔太hurt啦 但係都唔係好想見到囉....

去左幫Peter影pre-wedding 好好玩 對新人好可愛 又肯影相 又開心 仲拎晒d樂器黎玩 好攪笑 最衰冇帶機 :( 冇計啦 我係去幫手補光嘛.. 下次啦 不過實在太多蚊喇 一路影個個一路拍
賽後檢討: 記得記得記得一定要帶蚊怕水!!

睇左SAWIV 一貫既變態 夠緊張血腥 我鍾意 比II同III好好好 但係都係亂 都係I最正 下星期租返黎睇先

又被炸

今日去左Ivy度食飯 阿女又狂吠我...... 其他朋友仔上去又唔吠 第1次見既又唔吠 就算都係養狗既都唔吠 就係淨係針對我 憎死佢 : /
Ivy出年結婚喇 恭喜晒 我做伴娘 咁咪冇得影相??? 但係可以着靚裙喎 補番數 hehe 佢同Tim幾襯吖 老夫老妻咁 睇見佢地相處覺得佢地幾幸福 好羨慕~~

除左Ivy 尋晚仲收到Irene+Mark結婚既invitation 今年年尾 真係多人結婚....


下午的起心肝執相 點知個死人CS3成日hang機 執黎執去都執唔成 激死我 睇黎係時候換機喇.......

真身

今日去MK踩場..... 點知boss遲到 真係呢____ 冇晒野講

lunch約左Max食飯 佢話想影set wedding photos喎 問我有冇介紹 hahahaha 我囉 LOL
其實又唔結婚 點解要影結婚相??
之後諗住去揾Cindy吹水 點知去到冇人 又去左shopping 叫我o係門口等佢30mins 嬲嬲地返屋企 諗住執相.... 當然又係諗啦~



終於見到支300 2.8G真身喇 唔長但超太ring 好靚仔... 小妹仲好大陸地o係門口大叫 成問shop既sales即刻望晒出黎........ 我仲樣衰衰咁入去問價 當然天價啦 <--以我能力


今日用左Ivy送果set mascara 長就長 但唔curl 仲跌毛毛 失望
仲有sis#2送果支mascara都未開..... 突然好多mascarasssssssssssss添 共有5支 希望唔好乾住啦 下個禮拜搽厚d先

>.<

今日返去平心靜氣咁同boss傾 總算有共識 不過仲嬲佢 >.<

放工返屋企好攰 諗住去洗個臉 點知一開水喉發覺冇水?! ng hai fa??? 咁打去水務署啦 按左一大輪掣 經於接到去揾客戶服務員 聽埋音樂 跟住話俾我知線路好繁忙 留言亦爆滿 PK啦 浪費時間!!!!! 正準備執野去人地度沖凉時 佢又突然有水喎 玩咩? 結果梗係拿拿聲去沖涼啦 驚佢晏d又冇水嘛 :P

我今日真係好乖 真係坐定定執晒d相 雖然Daisy已經send個原file俾我 但開出黎都好似仲有d偏色.... 我諗係我真係好攰掛... 唔理喇 聽日print左出黎睇下點先啦

1個字 - 痛

唔開心
頭痛喉嚨痛仲要同boss拗 <-- 唔好再逼我喇 憎死佢!!!!

下午leave 去左做facial 原來我幾個月冇做過facial喇 塊面好dirty.... 針清時痛到想喊..... 眼水係咁流 我會乖架喇-- Q請左個新妹妹仔 不過都係Q幫我針清 <-- 係得Q幫我清完唔會起暗瘡 hehe Q搬左新地方 有海景 裝修仲好靚 下次同埋奶奶去

今日睇左Duck之前網上訂果套tutorial 雖然學到好多野 但超悶.... esp做完facial睇 半夢半醒咁 hahah

琪琪今日call我 話我知阿Ta叫佢返去喎 真厚面皮 隔咁耐先講 不如下世先講啦~

magic hour

今日放假 訓到11am 舒服晒
尋日做晒d野 今日冇野做 又懶執相 結果MSN haha 冇左真係會c

Lunch時見到天氣睛朗 藍天白雲 好好天氣 決定去影日落 途中仲滿心歡喜 點知去到個心都沉一沉 好多雲... 最慘既係臨到日落時海邊彈左舊好大好厚既黑雲出黎............
咁唯有去食Pizza Express啦 個牛油果雞沙律最好味~

扁桃腺..... 好似又發炎 好熱 好唔舒服

阿仔日 續集

今日大掃除 先虐待阿仔 剪晒佢d毛 再捉佢沖涼 嬲到佢呢~ 發晒脾氣唔啋人 咁天氣熱嘛

跟住就執屋 抹亁淨晒d野 拖埋地 仲掉埋d平時唔捨得掉既野 唔知點解突然好想掉野 仲掉左好多野添 hahahahaha

今朝一早樓下新鋪開張 載歌載舞咁 忍左15mins 頂唔順 起身 俾人嘈醒 心情唔多好

阿仔日

今朝一早俾樓下d細路嘈醒 激死 唯有起身執相... 執完拼埋發覺唔係咁夾 唉 要問Daisy攞返原相再執添 希望救得返啦 嬲嬲地去街玩

所謂玩 其實去左買Noodle野 o係CWB4圍行 咁就行左1/2個下午 買左好多野俾Noodle 仲買埋萬世歌王俾自己 hahah 上次已經想睇 最衰買唔到飛 今次終於買到喇 原本仲想買埋破地獄與白菊花... 梗係冇晒啦 我咁遲先去買飛 下次啦~

夜晚去咗食生牛肉 ~~~~~~ 好好好味 不過真係好貴 xd

尋晚Noodle訓訓下突然跳過左我跣左出去 好彩我未訓 一手捉住佢後腳拉返佢上床 如果唔係實係頭落地先..... 嚇c人咩 下次唔准呀!!

final shot

攪掂左喇 最後一鏡 ok啦 雖然d飯底效果比想像中差 但係都唔錯 要tune返小小色就ok晒 而decoration就用左Sarahの假花 都算快手架 唔洗2hrs yeah~~






頭 ------ 又痛喇 ......

best staff

尋晚揾reference揾到3點先訓 超眼訓 都好起碼而家知道會點影 希望順順利利啦~
今日同Daisy傾..... 都唔知係我表達能力差定係佢蠢 講極都唔明 都講左n次架啦 email都send埋 佢都仲未知我會點做 我諗我聽日唔返既話佢就交唔到功課 激死我!!!!!!!!!!!!!!!!!!
Ivan話要俾多d鼓勵佢喎..... 我都想有人鼓勵我!

reference for tmr

今日收到風 話計過d comment card 我差1票就成為全DC best staff 輸左俾Sandy best staff可以有個free body check+1日AL 冇左添...... 話時話 我咁少patients(同佢地比)都有咁多票? 造馬定係佢地真係咁差???

boss話會調Ms C返DC俾DrT WTF 佢1d都唔做recep既野 佢既份內事又話唔識做 識做既又唔做 等receptionist幫佢做 咁返黎做乜?? 咁既人都留? 係佢靚唔炒定係想玩DrT??

300 2.8G

落雨 冷親 唔開心

今日特登去左Great買餅 揀左2盒 諗住mix埋影 個盒show d餅個樣好靚架 點知返黎一開 ........ 亂到呢 好似火星運黎咁 呃人既 點影喎 睇見都唔想食
唉 突然唔想retake 乜都未ready 冇layout 冇lighting 冇餅 冇props Daisy頭先仲問我係唔係modify 1st shot...... 講左99999次重新再做 day1已經咁講 發緊夢 好抆grrrrrrrrrrr

頭先同Cham預早慶祝生日 咁又一年 舊年好似都係o係同一地方慶祝 同Cham食飯永冇冷場 永遠都咁多話題 咁開心 慶祝生日之餘亦慶祝我將會加入C記大家庭 不過我諗我唔會賣我老公既 因為我仲好愛佢 而且出左300 2.8G 雖然買唔起 但希望在明天嘛



Maggie今日起放假 C小姐補上 唉... 仲要捱 我覺得佢工作態度真係有問題囉 教完又錯 講完又唔記得 想點呀???
尋日金魚姑娘送左條小金魚俾我 叫我日日掛住佢喎 仲請左我食飯 再係咁我喊架!!!

連續幾日闈Prosays既foundation+eyeshadow 好正 可以唔洗點補粧 foundation夠貼 eyeshadow顏色出 仲唔會化 推


To阿邊個 Happy Birthday 我記得架~