多謝老板娘

今日下午去左食茄通+豬仔包 好味道 yeah 下個禮拜再食過
由於賣晒通粉 焗住食米粉 扁嘴 俾老板娘見到 送左賣剩既半碗茄通俾我 再加埋自己碗茄米+豬仔包 清晒 飽到呢~~~

小插曲
等食時 聽見厨房有人大叫一聲 佢地見慣世面 應該唔慌小事 3秒後跳左隻又大又肥既mickey出黎 仲穿過我枱底閃左 後面枱1x人學生嘩聲四起 同我同枱果2個靚女嚇到面都青埋 淨低果半餐仲企o係度食埋 come on 大排檔黎架 就算唔係預左都唔洗覺得咁出奇掛 雖然果隻mickey真係好大隻...... 成隻貓咁....
話時話 點解要企? 坐既話可以雙腳離地 段估mickey唔會跳上黎掛?? 企o係度死梗 亂沖亂撞時俾mickey踩一腳就慘喇---- 咁大隻應該會菸幾日 wakakaka


返屋企時見到傻狗 同佢玩左陣 想同佢影張相時 佢突然好驚咁走左去 仲一路走一路回頭望我 都唔知係怕我跟住佢還是想帶我去尋寶 但儍狗 唔該你小心d過馬路呀!