原地踏步

今日放假 約左Daisy去傾final project 2個冇主見の人 始終未有決定 原地踏步.... Ivan 話起碼佢陪我食左飯喎...... 唔好笑


今日睇左人地去東非d blog 哇 好正呀 好想即刻去 其實我個心已經飛左去lu~~ 好想好想現場睇下d野生動物 感受下弱肉強食(唔知有冇咁好彩呢?) 我驚到時去到會感動到喊 我喊又攪喊埋SH 跟住成車人都喊 實嚇死個driver hahahah 果邊通常個driver會做埋導遊 帶我地去揾動物兼講解 好叻 唔知佢地點揾到d動物呢? 如果照我地個plan 參加local tour 既話 到時全車只有我+SH+driver 到時如果我地又發顛既話 仲唔嚇死佢 又唔知我地講乜 一時又大笑 一時又無lala 喊 會唔會以為我地驚然後唔車咁近呢? wakakakaa 真係好想聽日就出發 不過話時話 諗起果13hrs飛機就憎 仲要來回 唔知會唔會好似英航咁有無限ice-cream食呢?



















thx Wong Sun Sun



c人 Enoch 介紹我比佢老婆為"OLD classmate"!!!!!!!!!! 女人最憎呢個字嘛 用"primary classmate"唔好d咩??? 話明係primary 係人都知係9x年前啦 X_X

Facebook 萬歲

今日心情平伏返好多喇 我諗係時候要面對現實 上網揾 d 關於類風濕既野 知己知彼嘛 積極 d~~ bf 呢幾日都陪我 d 朋友又勁 send message 支持我 好幸福啊~~ 我原來不是一個 lone hehe

lunch 同 SH Carmen 傾電話 又勁發顛 笑到又甩晒 d mascara (靚就靚 但成日攪到 panda eyes 下次換第二隻牌子先) 大家都好想好想快d去東非 仲plan晒帶咩去 佢仲揾左好多information..... 真慚愧 我都未得閒睇 =_= 好開心好慶幸識到個咁好既朋友 要好好珍惜呢~~~~


頭先同Enoch MSN 數下數下 原來識左20年 嚇一跳 等我仲成日都以為自己得20歲添 XXD 好奇怪 識左咁耐都係第一次傾咁耐咁多野 thx facebook again hahah
唔知點解 總係覺得以前d同學特別親切 就算以前唔係太friend 又事隔多年之後再見番 感覺都好close 好reliable 出黎做野之後 無論點交個心出黎 d朋友都好似......唔多信得過咁 如果可以返番去讀書既時候就好喇 無憂無慮

整番張同學仔相先

寒冬 VS 温暖

尋日下午結果 bf 過左黎陪我 雖然幫唔到 d 乜 但係心情又好似真係好左好多咁喎

今朝 DrLam 打黎睇下我點 講左好多關於類風濕既野比我知 仲安慰我...... 又攪喊我 好感動嘛 咁多年跟左咁多個醫生最好最錫我果個都係佢 仲有 DrSun 呢~~ 早 2 個禮拜同佢 MSN 開 佢仲話佢果時啱啱畢業 我成日鼓勵佢 乜我會講呢 d 肉麻野咩??? 我果時真係好天真同好儍 XD~~ 不過又真係好 sweet 咁多年佢都仲記得 .... 我自己都唔記得 lu~~


15 / 16 :
boss 今日終於同我傾我個新 schedule 問我想繼續跟佢定轉去 DC 喎 ...... 心大心細
轉去 DC 既話就可以成日 MSN (冇左會 c 架) facebook 上網 食野 睇雜誌 etc 甩繩馬騮の生活 仲可以脫離 devil の魔掌
跟 boss 既話又可以一星期放 3日假 <-- 從未如此幸福過 但係一至四就一定累死囉

點呢? 點揀好呢?

谷底

失眠 --- 橫放係床度4點仲聽緊 Noodle の鼻寒聲.............唔知仲可以聽多幾耐呢? 衰仔好學唔學學晒 baB d 衰野 d 聲仲好似 baB 添.......

今日終於攞左report ..................................................................................死刑 忍唔住係車度喊 又喊又抹返到屋企冇晒 d mascara 鬼樣咁 今朝都話唔化妝架啦

類風濕關節炎..可以點攪? 好谷底呀


貧窮...生病動物...無助...等死..... <-- from someone's blog X_X

膽小鬼

............................................. 今日都係冇膽面對現實...............冇鬼用 唯有乖乖地返工啦

今晚仲要返學 唉.....經已好眼訓喇

搬左呢個 blog....... 又幾鬼好喎 移民過黎先~


放學返黎喇 今日又爆笑 8角星跳跳虎 I love Carmen~~ 呢期要開始做final project喇 同Daisy 一組 佢真係一個好人 但意見唔多 加埋我呢d三心兩意既人 應該遲遲都决定唔到點影兼影完同reference差好遠(重申:花心同走佬係我強項) 不過Daisy呢半年同以前真係好大改變 進步左 有信心左 主動左 所以我地一定得既 祝合作愉快~~ 黎緊呢一個月有排忙 又要揾reference 又要買野 又要揀相 又要執相 仲要present <--最怕 跟住我又要告別honey們喇 到時一定又好唔習慣 不過SH Carmen 話一定會定期有function Carmen媽 各豬仔豬女既幸福靠晒你喇~~

放榜前夕

聽日就去攞驗身報告 好似以前等放榜咁 久違了的緊張心情 因為個 result 直接影響我既工作

戒口戒左 1x 日令小妹心情更差 今晚破戒去食 prime rib 應該好開心 卻因bf掉下一句"有得食好食喇"令心情跌至谷底 你真係關心我嗎? 3年喇 ...... 好多時都覺得你唔多理我 唔去分享我既開心同唔開心 我認 我覺得我好寂寞

今晚我覺得個天一直陪住我喊